Pa...vir Dummies is ‘n nuwe skreeusnaakse solostuk met Neels van Jaarsveld, die Eish-man, in die rol van Dries Klopper (28), wie se doodgewone, lekker getroude lewe ontwrig word deur die oorweldigende uitdagings van vaderskap. Dis ‘n helse skok vir enige man se testosteroon, en nie noodwendig ‘n aangename een nie. Soos soveel onervare pa’s voor hom, kon hy nooit die aardskuddende, onthutsende veranderinge en aanpassings in sy lewenstyl voorsien nie, wat nog te sê verwerk!